Saturday 25 March 2017

సెల్‌ఫోన్ తెచ్చిన ఇక్కట్లు


సెల్‌ఫోన్ తెచ్చిన ఇక్కట్లు 


ఉదయ్ ,ఉదయ్ ..... ఎక్కడున్నావు రా , ఎన్నిసార్లు పిలవాలి నిన్ను అని తల్లి పిలుస్తూనే ఉంది ,కాని ఆ పిలుపు ఉదయ్ చెవిన పడినా ,తన మెదడుకు చేరలేదు, ఎందుకంటే మూడు రోజుల క్రితమే మరాము చేసి, అమ్మానాన్నలతో పోట్లాడి మరీ కొన్న సెల్ ఫోన్  ఉంది ఉదయ్ చేతిలో . ఇక్కడ ఉన్నవా, పాలు కలిపి ఎంతసేపయింది ,ఎన్నిసార్లు పిలిచాను నిన్ను ....,అందుకే ఈ సెల్ ఫోన్ వద్దని చెప్పాను నీకు ,కొన్న దగ్గర నుండి చూస్తున్నా ఒకటే ఆటలు, చాటింగ్ లు ... అంటూ గదిలో ఉన్న ఉదయ్ దగ్గర పాలు గ్లాసు తో పెట్టి తాగ మని చెప్పి వెళ్లిపోయింది తల్లి స్వాతి .                                                                                                                                                                                                                                                                                                                                                                                                                                    
స్వాతి ,అశోక్ లకు ఒక్కగానొక్క కొడుకు ఉదయ్, అల్లారుముద్దుగా పెంచారు ,ఏది అడిగినా కాదనకుండా ఇచ్చారు ,ఎన్ని ఇచ్చినా సెల్ ఫోన్ మా త్ర ము వద్దని ఎంత బ్రతిమాలినా వినిపించు కోకుండా సెల్ ఫోన్ కొనిపించాడు పన్నెండు ఏళ్ళ ఉదయ్. సెల్ ఫోన్ మోజు లో పడి చదువు లో వెనక పడ్డాడు ఉదయ్,తండ్రి అశోక్ వ్యాపారము లో మునిగి పోయాడు ,కొడుకు గురించి భార్య భాద గురించి పట్టించుకునే తీరిక లేదు అతనికి .                                                                                                              
ఇది ఇలా ఉండగా ఒక రోజు ముగ్గురూ కలిసి ఒక పెళ్ళికి బయలుదేరారు ,సెల్ ఫోన్ వద్దని ఎంత చెప్పినా ,తల్లి మాట వినిపించు కోకుండా తీసుకొచ్చాడు ఉదయ్, పెళ్ళికి వచ్చాడే కాని ద్యాస మొత్తం సెల్ ఫోన్ మీదనే ఉంది ఉదయ్ కి ,సెల్ ఫోన్ సిగ్నల్ రావడం లేదంటూ బయటకి వెళ్తానని అమ్మని అడిగి వెళ్ళాడు.స్వాతి తన బందువు లను పలకరిస్తూ అటు వెళ్లిపోయింది స్వాతి ,అశోక్ లు పెళ్లి లో మునిగిపోయి ,ఉదయ్ ఎక్కడ ఉన్నాడనే తలపే వాళ్ళకి లేక పోయింది .                                                                                                                          
సెల్ ఫోన్ ఆట లలో మునిగిపోయిన ఉదయ్ కి ''ఉదయ్,ఉదయ్'' అని పిలుపు వినబడడం తో  తలఎత్తి చూసేసరికి తన స్నేహితుడు పిలుస్తూ కొంచెం దూరముగా కనబడ్డాడు ,వెంటనే ఉదయ్ తన స్నేహితుడి దగ్గరకు పరిగెత్తుకొని వెళ్ళాడు. ఈ క్రమములో ఉదయ్ సెల్ ఫోన్ జారి పడిందన్న విషయం గమనించలేదు .  
స్నేహితుడిని కలిసి మాట్లాడి తిరిగి వస్తున్న ఉదయ్ కి తన జేబులో సెల్ ఫోన్ లేదన్న విషయం తెలిసి కంగారు పడ్డాడు ,మొత్తం వెతికాడు, ఎక్కడా దొరక లేదు .అలా వెతుకుతూ, వెతుకుతూ తను ఎటు వెళ్తున్నాడో కూడా గమనించు కోకుండా అందరినీ సెల్ ఫోన్ గురించి అడుగుతూ ఉన్నాడు.ఇద్దరు ముగ్గురు కనిపిస్తే వాళ్ల సెల్ ఫోన్ నుండి తన ఫోన్ కి రింగ్ ఇచ్చాడు,కాని సెల్ ఫోన్ దొరికిన వాళ్ళు ఫోన్ స్విచ్ ఆఫ్ చేసేశారు .ఉదయ్ కి బాగా ఏడుపు వచ్చింది,అలా వెతుకుతూ చాలా ఫోన్ల నుండి రింగ్ ఇచ్చాడు,లాభం లేదని ,కళ్యాణ మండపం దాటి బయటకి వచ్చేసాడు ,కాని ఆ విషయము ఉదయ్ గమనించలేదు                                                                                                                              
ఇవతల స్వాతి,అశోక్ లకు ఉదయ్ కనిపించక పోయేసరికి కంగారుపడి, ఒకరిని ఒకరు మీరు చూసుకోలేదా, నువ్వు చూసుకోలేదా అని పొట్లాడుకొని ,చివరకు ఉదయ్ సెల్ ఫోన్ కు చేద్దామని ఫోన్ చేస్తే స్విచ్ ఆఫ్ అని వచ్చింది.                                  
ఇద్దరికీ చాలా కంగారు,బయమ్ వేసింది ,స్వాతి మనసులో చాలా ఆలోచనలు ,భయాలు మొదలయ్యాయి ,ఇద్దరు వెతుకుతూనే ఉన్నారు                                                                                                                                                            
ఉదయ్ దారి తప్పి ఎక్కడా ఊన్నాడో తనకే తెలియని పరిస్తితి లో ఉన్నాడు ,సెల్ ఫోన్ పోయిందనే కంగారే తప్పా అమ్మానాన్నల నుండి తప్పిపోయానని గమనించలేదు ఉదయ్.                                                                                                  
లాభం లేదని స్వాతి అశోక్ లు పోలీసు స్టేషన్ లో ఫిర్యాదు చేశారు, ఇన్స్పెక్టర్కి జరిగిందంతా వివరించి తమ అబ్బాయిని ఎలా అయినా కనిపెట్టాలని వేడుకున్నారు .                                                                                                                                      
సాయంత్రం అయ్యింది ,అంతా చీకటి గా ఉంది ,అప్పుడు గమనించాడు ఉదయ్,తను అమ్మానాన్నల నుండి తప్పిపోయానని, ఏడవసాగాడు, నా సెల్ ఫోన్ కోసమే వెతికాను, నా ఫోన్ కె అందరి ఫోన్ల నుండి చేస్తున్నాను,కాని ఒక్కసారి కూడా మా నాన్నకి ఫోన్ చేయలేదు,చేస్తే తనకి ఈ పరిస్థితి వచ్చి ఉండేది కాదు అని బోరున విలపించాడు.                                                                  
 తను ఉన్న ప్రదేశం కూడా అతనికి అర్దం అవ్వడం లేదు, చాలా మందిని అడిగిన తరువాత ,చాలా సేపటికి అటుగా వెళ్తున్న ఒక పెద్దమనిషి కి జరిగిందంతా చెప్పి,ఒక్క ఫోన్ మా నాన్నకి చేసుకుంటానని కాళ్ళ మీద పడి ప్రాదేయ పడ్డాడు ,ఆ వ్యక్తి కనికరించి ''ఫోన్ నెంబర్ చెప్పు నేనే చేస్తాను''అని పిల్లాడిని ఓదార్చాడు .                                                                                      
ఉదయ్ కనపడక విచారముగా ఉన్న అశోక్ ఫోన్ రింగ్ అవ్వడము తో ఉలిక్కి పడ్డాడు, ఎవరయి ఉంటారా అని ఫోన్ ఎత్తిన అశోక్ కి నాన్న అన్న ఉదయ్ ఏడుపు గొంతు వినిపించేసరికి ,ఆగిపోయిన గుండె మళ్ళీ కొట్టు కున్నట్ట్లు అనిపించింది, ఆ వ్యక్తి ద్వారా ఉదయ్ ఉన్న ప్రదేశం తెలుసుకొని,అతనిని మీరు బాబుతో అక్కడే ఉండండి అని బ్రతిమలాడి ,ఇద్దరూ వెళ్ళి కొడుకుని తీసుకొని ఇంటికి వచ్చారు.                                                                                                                                                
ఇక్కడ ఈ కధ సుఖాంతమయ్యింది .మిగతా వారి సంగతి ఏమిటి,సెల్ ఫోన్ తెచ్చే ఇక్కట్లు గమనిస్తున్నారా,దీని వలన ఉపయోగాలు ఎంత ఉన్నాయో నస్టాలు అంటే.మారాం చేశాడని ఉదయ్ కి సెల్ ఫోన్ ఇచ్చినా స్వాతి అశోక్ ల పరిస్తితి ఏమిటి , ఇంక అమ్మ నాన్న ఎంత చెప్పినా వినని ఉదయ్ పరిస్థితి ఏమిటి, సెల్ ఫోన్ పోయిందనే భాద తప్ప ,అమ్మ నన్నల నుండి తప్పిపోయాడని గమనించడా ,మీ పిల్లవాడు మారాం చేసాడ నో ,బెదిరించడానో వాళ్ళు అడిగిందంతా కొనివ్వకండి, మీతో పాటు వాళ్ళు ఇబ్బందుల్లో పడతారు .
(ఈ కథ సిరిమల్లె అనే అంతర్జాల పత్రికలో ప్రచురితమయ్యింది  - ఆగస్టు  2016)

No comments:

Post a Comment